Erandion, Altzagako Jado kaleak "euskal preso eta iheslari politikoen aldeko brindisa" hartuko du Gabon Zaharrean, 20:00etan, "gurekin nahi ditugu" goiburupean.
Berangon, ostera, Gabon Zaharrean zein Urte Berrian mobilizatuko dira euskal gatibuen alde. Gaur, eguena, urteko azken elkarretaratzea egingo dute Gudarien enparantzan, 20:00etan, "Presoak kalera, amnistia osoa!" aldarrikatzeko. Protesta bukatzean, "preso eta errefuxiatuen aldeko brindisa" egingo dute. Barikuan, aldiz, kontzentrazioa 13:00etan egingo dute, leku berean.
Itzubaltzeta/Romon ere "Presoen aldeko brindisa" egingo dute gaur, 20:00etan, Gobelaurren. Ondoren, 00:30etik aurrera, musika, sariak eta zozketak egongo dira Brankan bertara hurbiltzen direnen gozamenerako, "Borrokarako kanten gaua" goiburupean.
Gorlizen eta Plentzian, berriz, kontzentra bi egongo dira: 19:00etan Txoko Etxen eta 19:30ean Astilleron, hurrenez hurren. Plentziako elkarretaratzean sorpresa "hunkigarri" bat egongo dela iragarri dute.
Erandioko ekimenaren kartela
