Leioaztarrak lesio larria izan zuen ezker belaunean, pasa den maiatzaren 20an, Gasteizko Mendizorrotza futbol-zelaian. Ramalho Gironako taldeagaz jokatzen zebilen bigarren urtez, Athleticek utzita. Manu Barreiro Alavesen aurrelariagaz izandako talkaren eraginez, atzelariak ezkerreko hankaren aurreko lotailu gurutzatua apurtu zuen. Ondorioz, zazpi hilabeteko errehabilitazioa behar izan du. Ramalho “oso pozik” agertu da berriro ere deialdietan egoteagatik, nahiz eta, oraindino jokatu ez duen.
Beste aldetik, Ager Aketxe lehenengo taldetik bigarrenera jaitsi zen pasa den urtarrilaren 4an. Itzubaltzeta/Romokoak bi urtez izan da San Mameseko lehoien artean, baina daborduko soberan zegoen Ernesto Valverderen joko-planteamenduetan. Erabaki hori hartu aurretik hainbat taldek eskatu zioten Athletici utzita uzteko. Sonatuena Tenerife izan zen, baina ez Aketxek eta ez klubak ez zuten onartu.