Segurtasun Sailak azaldutakoaren arabera, "iaz egindako tokiko edo eskualdeko koordinazio-batzordeen eskaerei erantzuten die bilerak eta 2015ean hedabideek eta segurtasun-pribatuko arduradunek, besteak beste, gizarteko zenbait kolektiborekin egindakoen jarraipena da". Gainera, hurrengo asteetan, bilera gehiago egingo dituzte Arabako eta Gipuzkoako udaletako ordezkariakaz.
Atzo, martitzena, Ertzaintzaren Erandioko egoitzan egin zuten bilerak lau ordu iraun zuen. Lurralde Burutzako eta Inteligentzia Bulego Zentraleko arduradunak izan ziren; egungo arrisku-alerta maila zein den azaltzeaz gain, terrorismo islamistagaz lotutako gaiak jorratu zituzten eta fenomeno horri aurre egiteko Ertzaintzak prestatu duen Islamismo Erradikalaren aurkako Plan Estrategikoa aurkeztu zuten. Besteak beste, Eusko Jaurlaritzaren Segurtasun Sailak bidalitako argazkietan honakoak ikus daitezke: Imanol Landa (Getxo), Arantza Etxebarria (Gorliz), Mari Carmen Urbieta (Leioa), David Crestelo (Plentzia), Gontzal Hermosilla (Sopela) eta Javier Bilbao (Urduliz) alkateak; baita Arrizen Monasterio (Erandio) eta Keltse Eiguren (Getxo) zinegotziak ere.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun