Izena emateko Mankomunitateko bulegora (Gatzarriñe, 4. Sopela / 946 579 279) jo beharko dute interesa dutenek, edo e-postaz (euskera4@uribekosta.org) ere egin dezakete. Denera, 30 euro ordaindu beharko dituzte txangoengatik; diru-sarrerak bermatzeko errentaren jasotzaileek eta familia ugariek 20 euro. Leku-kopurua mugatua da; eta jakinarazi dutenez, zozketa bidez aukeratuko dute nortzuk joango diren.
Bihartik aurrera dago Oporretan Txangora egitasmoan izena emateko aukera
Aurten ere, Oporretan Txangora egitasmoa prestatu du Uribe Kostako Mankomunitateko Euskara Zerbitzuak, Lehen Hezkuntzako ikasleei zuzenduta. Aisialdian, gure hizkuntzan disfrutatzea da ekimenaren helburua. Hala, hiru txango egingo dituzte martxoaren 30etik apirilaren 1era bitartean. Lehenengo egunean, Etxebarriko Sustraiak Natura eta abentura-ekintzen parkera joango dira. Bigarrenean, Añanako gatz-harana bisitatuko dute. Eta hirugarrenean, Mirandaolako burdin parkea eta Erreizabal baserria ezagutuko dituzte, Legazpin. Oporretan Txangora egitasmoan izena emateko epea otsailaren 15etik 19ra bitartean egongo da zabalik. Gorliz, Lemoiz, Plentzia, Sopela edo Urdulizen erroldatutako 6 eta 12 urte arteko neska-mutilek parte hartu ahal izango dute.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun