Bestalde, gonbidatutako enpresa guztien artean, Uribe Kostatik Erandioko Enekuri Motor eta Leioako Leioa Autogas gonbidatu dituzte, besteak beste. Enpresa biak mugikortasunaren alorreko sektorekoak dira. Lehenengoa, BMW eta Mini ibilgailuen kontzesionario ofiziala da; bigarrenean, berriz, ohiko ibilgailuak gasa/GLPa erregaitzat erabili ahal izateko transformazioak egiten dituzte.
Eskualdeko esperientziak, euskal iraunkortasun azokan
Berdeago, Euskal Ingurugiro Iraunkortasun Azoka egingo da aste-akabu honetan, hilaren 19tik 21era bitartean, Durangoko Landako Gunean. Aurtengoa hirugarren edizioa izango da, eta antolatzaileek azaldu dutenez, "iraunkortasunarekin lotura duten gairik garrantzitsuenen sustatzaile bilakatu da". Azokaren helburu nagusia eraginkortasun energetikoa, mugikortasun jasangarria eta hondakinen kudeaketan, espazio-erreferente bat eskaintzea da. Horretarako, 150 enpresa, 50 hizlari eta 60 ekimen hartuko ditu Durangok aste-akabu honetan. Horien guztien artean, Uribe Kostako Zerbitzu Mankomunitateko kideek Ukanauto eta Bizimeta alokairu-sistemen esperientziak azalduko dituzte hilaren 19an, 18:00etan, "Tokian tokiko ekimen arrakastatsuak" izeneko berbaldian.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun