Mankomunitateen kasuan, ordea, 84.000 euro lortu ahal izango dituzte. Ekimen horren helburu nagusia "instalazio eta eraikin publikoetan energia-kontsumoa murriztea" da, 21 Toki Agendaren bidez. Horregatik, ezinbesteko baldintza da erakunde eskatzaileak jarduketa denak Agenda horretan kokatzea. Besteak beste, honako bitartekoak berrituz hobe daiteke eraginkortasuna: kanpoko argiztapen publikoa; monitorizazio-sistemak; eta eraikin publikoen girotzea eta ur beroa, kogenerazioa edo trigenerazioa, eta barruko argiztapena. Iaz, Uribe Kostako udal gehienek jaso zuten foru-laguntza; Gorliz, Leioa eta Lemoizek izan ezik. Barrikak jaso zuen diru-kopururik handiena: 48.000 euro.
Energia aurrezteko laguntzak eskaini ditu Foru Aldundiak
Udalek eta mankomunitateek energiaren eraginkortasuna hobetzeko planak egin ditzaten diru-laguntzen deialdia argitaratu zuen Bizkaiko Foru Aldundiak, pasa den martxoaren 30ean. Denera, milioi bat euro bideratuko du Aldundiak, baina udal bakoitzaren laguntza ezin izango da 48.000 euro baino handiagoa izan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun