Domeka honetarako, apirilak 24, gaixotasun arraroak dauzkaten lagunen aldeko elkartasun ibilaldiaren bigarren edizioa antolatu dute Leioako Askartza Claret ikastetxeak eta FEDER elkarteak; parte hartu gura dutenek aurretik izena eman beharko dute hezkuntza zentroko kiroldegian, 17:30ak baino lehen. Adin txikikoek 5 euro ordaindu beharko dute, eta helduek 8 euro.
Ibiltariak 12:00etan abiatuko dira Areetatik, Bizkaiko Zubitik, Leioako Boulevardera heltzeko. Ibilaldiaz gainera, haurrentzako tailerrak eta ipuin-kontalariak egongo dira. Bestalde, parte hartu gura edo ezin dutenentzat, Kutxabanken kontu korronte zenbakia jarri dute: 2095 0113 1091 1202 0333.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!