Goiherrik irabazi du 640ko txapela, eta 600ekoaren bila doa

Iker Rincon Moreno 2016ko eka. 22a, 18:30
Deskargatu Info Ahotsak :
Español English Français Català Galego

Goiherrikoak zapatuan Barrikan, garaipena ospatzen. © GOIHERRI

Goiherri Erandioko sokatira-klubaren A taldeak irabazi zuen Lur Gaineko Euskadiko Sokatira Txapelketa pasa den zapatuan Barrikan, 640 kiloko modalitatean. Finalean, erandioztarrak nagusitu ziren, eta Martiartuko saioan lortu zuten abantaila berretsi zuten. Horrela, txapela janztea lortu zuten, 20,5 puntugaz.

Bigarrena beste faboritoa izan zen: Laukizko Gaztedi A taldea, 18,5 puntugaz. Hirugarren postuan Goiherri B taldea geratu zen. Atzetik, Gaztedi B, Mutriku, Goiherri-Akelarre eta Gaztedi C sailkatu ziren.

Hala, berdeak bigarren txapelaren bila hasiko dira, datorren zapatuan, Leioan, 17:30ean; bertan 600 kiloko txapelketa abiatuko da. Uztailaren 3an, bigarren saioa egingo dute Loiun, 11:30ean; azkenik, finala Goierrin jokatuko dute, uztailaren 10ean, San Kristobalen jaietako egitarauaren barruan, 17:30ean.

Barrikako argazkiak (© GOIHERRI)

Kirolak Barrika Erandio Leioa
Irakurle agurgarria:

HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.

Egin zaitez HIRUKAlagun eta gozatu euskaraz!


Izan zaitez HIRUKAlagun