Ekainaren 12an lehiatu ziren Argazkigintza digitaleko Barrika 4x4x3 rallyko 41 parte-hartzaileak. Arrankudiaga, Barakaldo, Barrika (7), Bilbo, Derio, Erandio, Getxo, Gorliz, Leioa, Laudio, Plentzia, Sestao, Sopela, Urretxu, Zamora eta Zumaiakoak izan dira aurten parte hartu duten argazkilaritzazaleak.
Bigarrenez antolatu dute Jubibarrika elkarteak eta Barrikako Udalak lehiaketa, eta pasa den astean banatu zituzten sariak. Hala, 164 argazki aztertu ostean, Jesus Maria Rodriguez (Getxo), Luis Ibañez (Bilbo) eta Domi Alonso (Bilbao) adituek osatutako epaimahaiaren erabakiz, bilduma-atalaren saridunak hauek izan dira:
Irabazlea: Nerea Lopez del Olmo (Barrika). 400€ko erosketa-balea.
Bigarren saria: David Fernandez Graña (Barakaldo). 250€ko erosketa-balea.
Hirugarren saria: Ignacio Valle Zurita (Laudio). 150€ko erosketa-balea.
Udalerriko artistaren bilduma onaren saria: Teresa Lopez Lopez (Barrika). 150€ko erosketa-balea.
Horiez gainera, beste sari batzuk ere banatu dituzte; antolatzaileek egunean bertan emandako gaien araberako argazkirik onenak goraipatzeko.
Kontrapikatu onena: Ana Orue Perez de Nanclares (Getxo). Aipamen berezia eta garaikurra.
Orekan: Ane Elizondo Acha (Getxo). Aipamen berezia eta garaikurra.
Lauki bila, halabeharrez: Jose Luis Urquijo Bilbao (Bilbo). Aipamen berezia eta garaikurra.
I (love) Barrika: Aner Mentxaka Alvarez (Derio). Aipamen berezia eta garaikurra.
Aipaturiko lau erosketa-baleak Barakaldo edo Bilboko Foto Samar argazkilaritza-dendetan materiala erosteko izan dira, Barrikako Udalak eta Foto SAMAR babestutako sariak dira horiek. Argazkien inprimatzea Sopelako Foto Xabier dendak eskaini du.
Rallyko argazki-erakusketa Barrikako Nagusien Etxean dago ikusgai abuztu amaierara arte.