Zapatu honetan, uztailak 23, Agustin Ugarteren oroimenezko III. Triatloi Olinpikoa izango da Areetan, Leioan eta Urdulizen, besteak beste. Getxo Triatloi Taldeak eta Trirunners bertako taldeek antolatuta, proba hori modalitate horretako Euskadiko zirkuituan sartuko da lehenengo aldiz. Parte-hartzaileek osatu beharko dituzte 1,5 kilometroko itsasaldia, 40 kilometro ibilbidea txirrindulaz eta 10 kilometroko lasterketa.
Herri-lehiaketa 17:00etan hasiko da Areetako hondartzan; bertan ere amaituko du probak. igeriketa egin ondoren, bizikletaz segituko dute ibilbidea, Unbe, Loiu, Gatika, Laukiz, Urduliz eta Leioatik igaroz, berriro ere Bizkaiko Zubiko plaza ingurura itzuli aurretik. Azkenik, bira biko ibilbidea egin beharko dute lasterka; ibilbideak Bizkaiko Zubia eta kirol-portuko arraunerako eta belarako pabiloiak lotuko ditu.
Zirkuituaren baldintzak direla-eta antolakuntzak, gehienez, 300 kirolari onartuko ditu. Lehenengo emakumezkoak eta lehenengo gizonezkoak 300na euroko saria jasoko dute; bigarrengo postuak 200na euroz sarituko dira eta hirugarrenak, berriz, 100 euroz.
Getxoko Udaltzaingoak zirkulazioa moztuko du 17:00etatik 20:00etara lehiaketak eragindako kaleetan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
