Udako oporraldiaren amaieragaz batera, Euskeraz Olgetan egitasmoari ekingo dio berriro Uribe Kostako Mankomunitateko Euskara Zerbitzuak. Hala, irailaren 8tik 11ra (egun bakoitzean, herri batean) herri-kirolakaz gozatzeko aukera edukiko dute umeek Plentziako Ontziola (17:30-19:30), Urdulizko Antsonekoa (17:30-19:30), Gorlizko Ibarreta (12:00-14:00) eta Larrabasterrako Iberrota (12:00-14:00) plazetan; horrez gainera, Armintzan ere jolasak egongo dira zapaturo, 17:30etik 19:30era.
Euria bada, ekintzak hurrengo lekuetan egingo dituzte: Plentziako udaletxeko arkupeetan, Urdulizko probalekuan, Gorlizko pilotalekuan eta Lemoizko frontoian; Sopelan ez dute zehaztu bestelako kokalekurik. Hala ere, irailaren 25eko ginkana-dantza Larrabasterrako Urgitxieta plazan egingo dute.
Euskeraz Olgetan egitasmoa orain dela urte batzuk sortu zen; familiartean euskararen erabilera sustatzeko helburuagaz, jolasa oinarri hartuta. Aurton ere, ekintza bereziak egingo dituzte hilean behin, helduek umeakaz batera jolas dezaten.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
