Irailaren 17an egingo dute Bertso Eskolen Eguna, Portugaleten. Eguneko egitaraua prest dago; bazkarirako txartelak irailaren 12ra arte egongo dira eskuragarri www.bertsosarrerak.eus atarian, 15 euroren truke. Otordua 14:30ean izango da, merkatuan.
Bertso Eguneko ekitaldiak 12:00etan hasiko dira, El Solar plazan; etxeko bertso-eskolak girotuta ekingo diote poteoari. Arrastian, 17:30ean, bertso-trama eskainiko dute Miren Amurizak eta Odei Barrosok. 19:30ean, Bertsotruken aurkezpena eta gero, bertso-poteoagaz segituko dute. Ostean, Aneguria abeslariak emango du kontzertua.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!