EHUko eta hezkuntza publikoko garbitzaileak greban daude

Iker Rincon Moreno 2016ko aza. 9a, 15:53

Garbitzaileak protestak. © ELA

Protestak astelehenean abiatu ostean, barikura arte egingo dute greba EHUko eta hezkuntza publikoko garbitzaileek; ELA, UGT, LAB, ESK eta CCOO sindikatuek deitu dituzte mobilizazioak. Hiru dira langileen aldarrikapen nagusiak. Lehena da soldatak %2,5 igotzea, 2010etik langileek soldatak izoztuta baituzte.

Bigarrena kontratazioari buruzkoa da; langileen erdiak lanaldi partzialeko kontratuak dituzte. Gainera, eskoletan lan egiten dutenei uztailean eta abuztuan soldataren %30a jaisten zaie, langabeziara bidaltzen dituztelako. Lanaldi partzialak osoak bihurtzeko erregulazio bat beharrezkoa da. Azkenik, lan-erreforma ikusita, horren aurkako berme guztiak jasotzea galdegiten duten langileek.

ELAk salatu du enpresek negoziaketa blokeatu dutela azken urte eta erdian.

Ekonomia

Irakurle agurgarria:

HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.

Egin zaitez HIRUKAlagun eta gozatu euskaraz!

Izan zaitez HIRUKAlagun