Pasa diren azaroaren 5ean eta 6an jokatu zen B kategoriaren azken fasea, Zaragozako Stadium Casablanca klubean. Bertan, bigarren amaitu ziren algortarrak. Zapatuan, azaroak 5, 4-1 irabazi zioten Móstolesi partida gogorrean, euriari zein lokatzari egin behar izan baitzioten aurre. Domekan, ordea, Fadurak 4-1 galdu zuen, hainbat fitxaketa berri egin duen Zaragozaren aurka. Hala, Zaragoza zuzenean igo zen Lehenengo Mailara eta Fadurak promozio-partida jokatu beharko du.
Domekan erabakiko da Fadura Tenis Klubaren etorkizuna
Fadura Tenis Klubak etxean egingo dio aurre patuari, domeka honetan, azaroak 20. Egun horretan, Cercle Sabadellès 1856 klub katalanaren bisita hartuko du Fadurako instalazioetan. Norgehiagoka horretan erabakiko da datorren denboraldian Estatu espainiarreko lehenengo mailan lehiatuko den taldea. Fadura Bigarren Mailako txapeldunordea da eta Sabadellgo kluba, ostera, lehenengo kategoriako zazpigarrena, azken aurrekoa.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun