Hala, gaur, azaroaren 25ean, Uribe Kostako Mankomunitateak zazpi kontzentraziora deitu du: 11:30ean, Berangon; 12:00etan, Barrikan; 12:30ean, Plentzian; 13:00etan, Gorlizen; 13:30ean, Lemoizen; 18:30ean, Urdulizen; eta 19:00etan, Sopelan. Herrietako udaletxeen aurrean batuko dira, Berangon (metro-geltoki ondoan) eta Urdulizen (kultur etxean) izan ezik.
Egun berean, gainera, hainbat antzezlan eta jarduera egongo dira kontzentrazioen ostean, Berangon, Barrikan eta Plentzian, besteak beste. Azken horretan, gainera, Mankomunitateak deitutako elkarretaratzeaz gainera, Sorginen Alabak talde feministak manifestazioa egingo du, 19:00etatik aurrera, Eliz plazatik abiatuta.
Beldur Barik topaketa
Azaroaren 26an, zapatuan, berriz, Emakundek antolatutako Beldur Barik topaketa egingo dute Urdulizen, 16:30etik aurrera, kultur etxean. Ordu horretan ondoetorria egingo diete Araba, Bizkaia eta Gipuzkoatik bertaratutako gizon-emakumeei. Ondoren, 17:00etatik 19:00etara, hainbat tailer egongo dira aukeran, berbarako: autodefentsa feminista, mutilentzako desahalduntzerako clown-tailerra eta perkusioaren boterea. Ostean, 19:15ean, performancea egingo dute, eta 19:30ean mokadutxoak eskainiko dituzte. Amaitzeko, 20:00etan Beldur Barik lehiaketaren ikus-entzunezkoen sari-banaketa egingo dute.
Herriz herri
Berango
Azaroak 25, barikua
- 11:30 Kontzentrazioa, Berangoko metro-geltoki ondoan.
- 18:00 Tailer bereziak, Berangoeta kultur etxeko ludotekan. Sarrera, doakoa.
Gorliz
Azaroak 25, barikua
- 13:00 Kontzentrazioa, udaletxearen aurrean.
Plentzia
Azaroak 25, barikua
- 12:30 Kontzentrazioa, udaletxearen aurrean.
- 17:30 Argazkia, Eliz plazan, Sorginen Alabak talde feministak antolatuta.
- 19:00 Manifestazioa, Eliz plazatik Ontziola plazara, Sorginen Alabaken deialdia.
Urduliz
Azaroak 25, barikua
- 18:30 Kontzentrazioa, kultur etxean.
Azaroak 26, zapatua
16:30-21:30 Beldur Barik topaketa, kultur etxean, Emakundek antolatuta.
Barrika
Azaroak 25, barikua
- 12:00 Kontzentrazioa, udaletxearen aurrean.
- 17:30 Filma, hausnarketa eta askaria, Goierrin, Emakumeen Hitza elkarteak antolatuta.
Lemoiz
Azaroak 25, barikua
- 13:30 Kontzentrazioa, udaletxearen aurrean.