Eskola Kirola programako ur-jarduerak bertan behera, zapatuan

Neskato bat bere surf-taula hondartzatik arrastaka eroaten, Getxo udalerriko kirol-campus batean. © GETXOKO UDALA

Bizkaiko Foru Aldundiak bertan behera utzi ditu bihar, zapatuan, Eskola Kirola programaren barruan uretan egitekoak ziren zenbait jarduera.

Foru erakundeak azaldu duenez, itsasaldeko arriskuaren abisu horia dela eta, Bizkaiko Foru Aldundiak bertan behera utziko ditu bihar, martxoaren 4an, uretan egitekoak diren Eskola Kirola programaren jarduerak. Aipatu dutenez, surfari eta belari dagokie agindu hori, modalitate denetan: lehiaketak, hastapen- eta jostetako jarduerak eta aisialdiko jarduerak.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun