Aurretik Plentziako ludotekak iragarri legez, “magiaz beteriko gune berezi” eta berri bat izango dute Mankomunitateko gaztetxoek, datorren apirilaren 24tik aurrera, bost herritan: Urdulizen, Sopelan, Plentzian, Lemoizen eta Barrikan.
Uribe Kostako Zerbitzu Mankomunitateak antolatu du Kontuleku izeneko egitasmo hori, irakurketa familiengana hurreratzeko eta familiartekoen harremana indartzeko helburuakaz. Hala, ahozko literaturan murgilduko dira dinamizatzaile baten laguntzaz. Jakinarazi dute leku-kopurua mugatua dela. Horrenbestez, komeni da ahalik eta arinen izen-ematea betetzea, nork bere herrian. Denera, 9 saio egingo dituzte, ekainaren 23ra arte. Kontuleku ahalik eta erosoen izateko, talde bi antolatuko dituzte, adinaren araberakoak: alde batetik, 3 eta 4 urte bitarteko umeen familiak, eta, beste aldetik, 5 eta 7 bitartekoenak.
Kontulekuren esku-orria
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun