Kirolak  Getxo  Uribe Kosta 2017-05-12 14:23

Galean izango da Araba, Bizkaia eta Gipuzkoako oztopo-jauzien zaldi-txapelketa

Datozen zapatu eta domekan, maiatzaren 20an eta 21ean, Getxoko Galea zaldi-klubean txapelketa bi izango dira. Alde batetik, oztopo-jauzien zaldi-txapelketa autonomikoa antolatu dute, iaz legez. Beste aldetik, Euskadiko taldekako lehiaketa egingo dute.

Ohi bezala, bertako elkartea eta Bizkaiko eta EAEko hipika-federazioak dira antolatzaileak. Parte hartu gura dutenek eguena, hilak 18, izango dute izena emateko eta klubean ordainketa egiteko azken eguna. Argibide gehiagorako honako bideak erabil daitezke: 944 603 266 telefono-zenbakia eta info@hipicalagalea.com posta elektronikoa. Antolatzaileek iragarri dutenez, gehienez jota 150 zaldi onartuko dituzte.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa