Uribe Kostako Mankomunitateko Gizarte-Ekintza saila, Sopelako Udalagaz, Bizkaiko Foru Aldundiagaz eta eskualdeko beste Udalakaz elkarlanean, menpekotasuna duten senideen zaintzaile ez-profesionalak bilatzen dabil, gizartean ikusgai egiteko kanpaina baten bidez.
Zainduz programaren barnean dagoen ekimen honen helburua pertsona horien onarpen soziala egitean datza, zaintzaile ez-profesionalek egiten duten lanak ondorio fisiko, psikiko eta sozialak dauzkalako. Edozein herritarrek zaintza-lan horietan diharduen pertsonarik ezagutzen badu, hautagai gisa proposatzea eskatzen da. Proposamenak Barrika, Berango, Gorliz, Lemoiz, Plentzia, Sopela eta Urdulizko udaletxeetan, kultur etxeetan, jubilatuen etxeetan eta kiroldegietan utzitako kutxetan utz daitezke. Hautagaiak irailaren 4a arte proposatu daitezke. Omenaldia azaroaren 10ean egingo da Urdulizen.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun