Uda iritsi da, eta, harekin batera, herrietako jaiak eta ondo merezitako oporrak. Eta, edonon gaudela ere, euskaraz berba egiten jarraituko dugunez, "11 lekutan Mintzatu!" lehiaketa antolatu du Azkue Fundazioak; 11 aste iraungo du, uztailaren 10etik irailaren 24ra arte.
Helburuak: euskaraz berba egitea; gure hizkuntzak sarean duen presentzia areagotzea; Mintzatu aplikazioaren erabilera sustatzea; euskaraz berba egiten diren leku berri gehiago etiketatzea; eta toki horiei buruzko informazioaren zabalkundea egitea.
Hiru irabazle egongo dira, eta sari berdinak jasoko dituzte denek: sakelako telefonoagaz argazkiak eta bideoak egiteko produktu-sorta (tripodea, objektiboak, euste-pieza…).
Hauexek izango dira irabazleak:
- Mintzatu aplikazioan leku berri gehien sartzen dituena.
- Mintzatu aplikazioan bere burua leku ezberdin kopuru handienean etiketatzen duena.
- Mintzatu aplikazioan hamaika leku berri azkarren etiketatzen dituena.
Mundu osoko lekuak etiketatu ahalko dira. Parte-hartzaile bakoitzak erabakiko du noiz parte hartu: lehiaketak irauten duen hamaika asteetan zehar edozein unetan parte har daiteke, eta parte-hartzaile bakoitzak gura beste leku identifika ditzake Mintzatun. Ez dago mugarik.