Zumaian ere nagusitu dira Getxo Arrauneko beteranoak

Getxo Arrauneko beteranoak garaipena ospatzen, Zumaian. © GETXO ARRAUN

Getxo Arrauneko beteranoek denboraldiko seigarren bandera lortu zuten atzo, domekan, Zumaian. Euren atzean geratu ziren Zumaia, Pontejos eta Arkote. Hain zuzen ere, ABE ligako sailkapen nagusian dauden ordenan.

Denera, ontzi getxoztarraren seigarren garaipena da, zortzi estropada jokatu ondoren. Liga Arkotek estreinatu zuen, maiatzaren 13an Kantabriako Pontejos herriko bandera irabaziz. Ondoren, getxoztarrek bolada on bi izan dituzte orain arte; lehenengoan, bata bestearen ostean jaso zituzten banderak Angelun, Donostian, Orion eta Armintzan. Zumaiarrek Sestaon nagusitu ondoren, Getxo Arraunekoek Plentziako eta Zumaiako banderak bereganatu dituzte.

Hala, arraunlari beteranoek liga amaitzeko proba bi besterik ez dira geratzen. Datozen zapatuetan, uztailaren 22an eta 29an, San Vicente de la Barqueran eta Algortako Portu Zaharrean jokatuko dira, hurrenez hurren.

ABE ligako sailkapena

  1. Getxo Arraun, 66 puntu
  2. Zumaia, 62
  3. Pontejos, 52
  4. Arkote, 50
  5. Fortuna, 39
  6. Deustu, 35
  7. Zarautz, 27
  8. Sestao, 19
  9. Ibaialde, 0
Erlazionatuak

Getxo Arrauneko beteranoak, nagusi Armintzan

Getxo Arrauneko beteranoek egundoko denboraldia egiten dabiltza aurten. Hala, ekainaren 10ean beste behin nagusitu ziren, Armintzako X. Beteranoen ...

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun