Agustin Ugarteren omenezko IV. triatloia egingo dute zapatuan
Iker Rincon Moreno
2017ko uzt. 20a, 13:25
Zapatu honetan, uztailak 22, Agustin Ugarteren oroimenezko IV. Triatloi Olinpikoa izango da Areetan, Leioan eta Urdulizen, besteak beste. Getxo Triatloi Taldeak eta Trirunners bertako taldeek antolatuta, proba hori modalitate horretako Euskadiko zirkuituaren barruan dago, bigarren urtez. Parte-hartzaileek osatu beharko dituzte 1,5 kilometroko itsasaldia, 40 kilometro ibilbidea txirrindulaz eta 10 kilometroko lasterketa.
Herri-lehiaketa 16:00etan hasiko da Areetako hondartzan; bertan ere amaituko du probak. igeriketa egin ondoren, bizikletaz segituko dute ibilbidea, Unbe, Loiu, Gatika, Laukiz, Urduliz eta Leioatik igaroz, berriro ere Areetako hondartzaren ingurura itzuli aurretik. Azkenik, bira biko ibilbidea egin beharko dute lasterka; ibilbideak Bizkaiko Zubia eta kirol-portuko arraunerako eta belarako pabiloiak lotuko ditu.
Zirkuituaren baldintzak direla-eta antolakuntzak, gehienez, 350 kirolari onartuko ditu, iaz baino 50 gehiago. Lehenengo emakumezkoak eta lehenengo gizonezkoak 300na euroko saria jasoko dute; bigarrengo postuak 200na euroz sarituko dira eta hirugarrenak, berriz, 100 euroz.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
