Urdulizko Lointek enpresak utziko dio Sopelako Kirol Elkartearen goi mailako txirrindularitza-taldea babesteari. Hala, Lointek Team emakumezkoen Elite UCIrenak egin du, izen horregaz. Ugeragako arduradunek pasa den eguenean zabaldu zutenez, kirol-elkarteak ahalegin handia eta azkarra egin du, beste babesle bat topatu arte, datorren denboraldian taldea Elite UCI kategoria manten dadin.
Ugeragaren eta Lointeken arteko banantzea etorri da bederatzi urteko elkarlan oparoren ostean. Urte horietan, "proiektu emankorra garatu" dutela gogoratu du Ugeragaren zuzendaritzak: "bai kluberako, baita emakumezkoen txirrindularitzako osasunerako ere". Izan ere, biek ala biek gorantza egin dute, sekulan ez bezala". Horregatik, Ugeragak eskertu egin du orain arte Lointekek emandako babesa.
Ugeragak ez du argitu zein izango den datorren denboraldirako babesle berria: "dagokion momentuan aurkeztuko dugu", azaldu dute. Dena den, berretsi dute marka berriak bermatuko duela emakumezko txirrindularitzagaz klubak duen konpromisoa segitzea.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
