Aldundiak zabaldu duenez, "Arrauna Garatzen proiektua bat dator foru-erakundeak sustatzen dituen printzipioakaz; 2017. urtean, arraunaren zabalkundea egin eta entrenatzaileen maila teknikoa hobetzeko xedea du. Alde batetik, arrauna bizkaitarrei hurbildu nahi die, arraun egitea bultzatuz, hainbat udalerritan parte-hartzaileentzat zein Bizkaiko ikusleentzat erakargarriak diren eta arraunzaleak lortzeko lehiaketak eta probak eginez, hain zuzen ere. Beste alde batetik, Bizkaiko taldeetako entrenatzaileak trebatzeko plan bat abiarazi gura du".
Bizkaiko Arraun Federazioaren Arrauna Garatzen programarako 60.000 euroko diru-laguntza ematea onartu du Bizkaiko Foru Aldundiko Euskara eta Kulturako Foru Sailak. Hala, iazko diru-kopuru bera jasoko du federazioak arraunaren zabalkundea egiteagatik. Uribe Kostan lau arraun-talde daude: Arkote, Getxo, Lutxana eta Raspas.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun