Kirolak  Getxo  Sopela 2017-09-13 13:29

Europako lidergoari eraso egingo dio Garazi Sanchezek, Casablancan

Eguraldiak bermatuz gero, Garazi Sanchez Ortun eta Leticia Canales Bilbao surflariek bihar, eguena, ekingo diote Atlantikoan surf egiteari, Marokoko Casablanca hiriko hondartzan. Casablancako Anfaplace Pro proba puntuagarria da sailkatze-serieetarako. Hala, Sanchezek baliatu ahal izango du rankingeko bere hirugarren postua hobetzeko.

Europako lidergoari eraso egingo dio Garazi Sanchezek, Casablancan
Sanchezek Israelgo Natanya surf-lehiaketa irabazi zuen urtarrilean. © Laurent Masurel - WSL | Ikusi handiago | Argazki originala

Bigarren sailkatuak, Justine Dupont frantsesak, ez du parte hartuko Casablancako surf-lehiaketan. Carol Henrique portugesak, orain arteko buruak, ostera, bere lidergoa defendatuko du.

Garazi Sanchez eta Leticia Canales arerio izango dira lehenengo unetik. Biak lehiatuko dira lehen faseko hirugarren txandan Yolander Hopkins portugesagaz eta Fatimzahra Berrada marokoarragaz. Baliteke uribekostar biak hurrengo errondara pasatzea, baina, hala balitz, bigarren fasetik hirugarrenera getxoztarra ala sopeloztarra, bakarra pasa liteke.

Casablancako dema atzo zen hastekoa, martitzenean. Baina abiatu eta 17 minutura bertan behera utzi behar izan zioten gizonezkoen lehiaketari, lanbroagatik. Gaur ekin diote berriro gizonezkoen demari, baina emakumezkoena biharko atzeratu du antolakuntzak. Edozein kasuan, domekaraino epea du probak.

Gizonezkoen txandak, lehenengo errondan

  1. Adil El Harrif (MAR), Noe Mar McGonagle (CRI), Jade Azami (MAR)
  2. Cristóbal De Col (PER), Tristan Guilbaud (FRA), Camille Maurisset (MAR), Zouhir Houmay (MAR)
  3. Alan Saulo (BRA), Diego Mignot (FRA), Jao Errera (FRA)
  4. Caina Souza Da Silva (BRA), Thiago Guimaraes (BRA), Loic Teva Bizien (PYF), Charly Martin (GLP)
  5. Chadi Lahrioui (MAR), Luel Felipe (BRA), Abdelhanin Dribki (MAR)
  6. Luan Carvalho (BRA), Dimitri Ouvre (FRA), Abdellah Soufiane (MAR), Hamza Kouhly (MAR)
  7. Damian Ceballos (CNY), Jacob Willcox (AUS), Redouane Regragui (MAR)
  8. Bruno De Andrade Maia (BRA), Dean Bowen (AUS), Thierno Sambe (SEN), Simo Berrada (MAR)

Emakumezkoen txandak, lehenengo errondan

  1. Paige Hareb (NZL), Lorena Fica (CHL), Lucía Cosoleto (ARG), Soukaina Aghouali (MAR)
  2. Melanie Giunta (PER), Ariane Ochoa (EH), Evelyn Gontier (ARG)
  3. Garazi Sanchez Ortun (EH), Leticia Canales Bilbao (EH), Yolander Hopkins (PRT), Fatimzahra Berrada (MAR)
  4. Tessa Thyssen (FRA), Josefina Ane (ARG), Summa Longbottom (AUS), Yasmine Berred (MAR)
  5. Chelsea Tuach (BRB), Lucía Martiño (ESP), Marion Philippe (PYF), Lilias Tebbai (MAR)
  6. Ella Williams (NZL), Nagisa Tashiro (JPN), Julia Camargo (BRA), Leonor Fragoso (PRT)
  7. Mikaela Greene (AUS), Eliza Greene (AUS), Mariana Assis (PRT), Nina Reynal (FRA)
  8. Carol Henrique (PRT), Peony Knight (GBR), Neis Lartigue (FRA), Izzi Gómez (AEB)

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa