Uribe Kostako Emakumeen Topaketa. A25
Aurten “Berdintasuna nire baitan ere hasten da” lema duen Emakundeko Gunearen barne Uribe Kostako Emakumeen IX. Topaketa antolatu du Uribe Kostako Andra Barriak Emakumeen Kontseilua Elkarteak, “Maitatua izateko eskubidea, eskubideekin maitatzea” izenburuagaz.
Topaketa hori Emakundek eta Uribe Kostako Zerbitzuen Mankomunitateak diruz babesturikoa da eta 2017ko azaroaren 25ean izango da, Inolaren Emakumeen Etxean (Urduliz), 10:00etatik aurrera. Sarrera librea da.
Barrika, Berango, Gorliz, Lemoiz, Plentzia, Sopela eta Urduliz herrietan egin den indarkeria matxistaren aurka sentsibilizatzeko proiektuaren emaitza izan da Topaketa. Proiektu horretan, indarkeria matxistaren aurkako zuhaitza sortzeko kanpaina gauzatu egin da. Herri bakoitzak adar bat osatu du zuhaitz horretan jartzeko asmoz, eta topaketan bertan osatuko da ekintza sinboliko baten bitartez.
Topaketan honako hauek hartuko dute parte:
- Buruzagien mahaia: Javier Bilbao Lopategi jauna, Urdulizko Alkatea; María Guijarro Ceballos andrea Berdintasunerako, Lankidetzarako eta Dibertsitaterako zuzendaria, BFA eta María Isabel Landa Gaubeka andrea, Uribe Kostako Mankomunitateko Lehendakaria.
Hitzaldiak:
- María Silvestre Cabrera, Deustu Unibertsitateko Giza Eskubideen Doktoretza Programaren eta Gizarte Balioen Taldeko Koordinatzailea eta Berdintasun Arloko Arduraduna.
- Jorge Freudenthal, Psikologoa. IRSE – Euskadiko Birgizarteratze Institutuko langilea eta Gakoa programan terapeuta (indarkeria matxistako delituengatik zigortutakoei zuzendutako programa)
Kaferako atsedenaldiaren ondoren Indarkeria matxistaren aurkako Manifestua irakurriko da, eta
Etxearen kanpoaldean adarrak zuhaitzean jarri eta eskultura egin eta inauguratuko da.
Ekitaldiak
Barrika
Azaroak 24, barikua
- 18:00 Bideo-foruma: "Desenfocadas". Goierriko gelan.
Lemoiz
Azaroak 24, barikua
- 19:30 "Genero indarkeria. Zer egin dezakegu?" berbaldia, Armintzako kultur etxean.
Plentzia
Azaroak 24, barikua
- 17:00 Araldiren indarkeriaren performancea Ontziola plazan.
- 19:30 Manifestazioa, Araldi eta Sorginen Alabak deituta, Eskabetxe-fabrikatik hasita.
Berango
Azaroak 25, zapatua
- 19:00 "Hoy milagro" antzezlana, Berango Antzokian; sarrera 1 euroan.
Azaroak 26, domeka
- 18:00 "Ongi etorri, lagun" antzezlana, Berango Antzokian; sarrera doan.