Hartzaileen profilari dagokionez, 18 eta 25 urte bitarteko gazteak izan behar dute, arestian aipatutako udalerrietako batean erroldatuta eta Lanbiden lan eskatzaile gisa egon behar dira. Lan profilari dagokionez, beharrezkoa da Lanbide Heziketako (Erdi edo Goi mailako) tituluduna edo unibertsitate tituluduna izatea. Azkenik, jasotako prestakuntzagaz erlazio zuzena duen hiru hilabetetik gorako lan esperientziarik ezin du eduki eskatzaileak.
Profilei dagokienez, enpresetatik ondoko profilen eskaerak jaso ditugu:
- Gozoak egiteko gozogilea.
- Haurtzaindegian lan egiteko haur hezitzailea. Euskararen ezagutza.
- Administraria, baita administrari laguntzailea ere.
- 3D modelatzailea: 3D sistemetan objektuen modelaketa eta moldaketa.
- Informatikaria.
Programa horretan parte hartu gura dutenek Leioako Behargintzara edo Aterpe Leioa Gaztegunera jo beharko dute: 944 004 195 edo 944 055 850 telefono bidez, hurrenez hurren.