Politika  Erandio  Getxo  Plentzia  Uribe Kosta 2017-12-14 14:00

Lupaz begiratuko diete Erandioko eta Plentziako udalen eta Getxo Antzokiko diru-kontuei

Eusko Legebiltzarreko alderdiek eskatu diote Herri Kontuen Euskal Epaitegiari hainbat erakunde lehentasunez fiskalizatzea. Horien artean daude Erandioko eta Plentziako udalak eta Getxo Antzokia.

Lupaz begiratuko diete Erandioko eta Plentziako udalen eta Getxo Antzokiko diru-kontuei
Getxo Antzokiko obren artxiboko irudia. | Ikusi handiago | Argazki originala

Uribe Kostari dagokionez, Alderdi Popularrak ahalik eta lasterren ezagutu gura du Getxo Antzokiko obraren kontuak. Hala, esleipen, eraikitze, obra-emate eta likidazioaren berri zehatza izan nahi du. Elkarrekin Podemosek, ostera, interesa agertu du Erandioko Udalaren diruzaintzagatik, zehazki 2011 eta 2015 urteen bitartekoagatik. Azkenik, Euzko Alderdi Jeltzaleak Plentziako hiri-bilduaren diru-kontuen txostenari lehentasuna ematea eskatu du, 2015 eta 2016 urteei dagokienez. Urte horiek lehenengoak dira EH Bilduko alkate bategaz.

Joan den azaroaren 8an, Jose Luis Bilbao Eguren Herri Kontuen Euskal Epaitegiaren presidenteak gogorarazi zien alderdi politikoei fiskalizazio-beharrak egiteko lehentasunak jakinaraz zitzaketela. Izan ere, tramite hori egiten behartuta dago erakundea. Hala Bizkaiko Foru Aldundiko diputatu nagusi ohi getxoztarraren eskaera betetzeko, joan den astelehenera arteko epea eman zuen Eusko Legebiltzarreko Mahaiak. Alderdi denek azken egunean erregistratu zituzten euren lehentasunezko fiskalizazio-eskaerak.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa