Politika  Getxo  Plentzia  Uribe Kosta 2017-12-20 19:17

Senideak, presoen gainean berbetan

Senideak, presoen gainean berbetan Atzoko mahai-ingurua. © LAB | Ikusi handiago | Argazki originala

LAB sindikatuak batuta, atzo berbaldia eskaini zuten Algortan hainbat preso eta deportaturen zenbait senidek eta lagunek, tartean Alfonso Etxegarai deportatu plentziarraren eta Aitor Cotano preso algortarraren hurko banak.

LAB sindikatuak azaldu duenez, "euskal preso politikoen aldeko hainbat jarduera" dabil egiten egunotan, gaia "lehen lerrora" eroateko. Atzoko ekimena Villamonte kaleko kultur etxean izan zen. Bertan, honako senideek eta lagunek jardun zuten mahai-inguruan: Jon Kirru, Ibon Iparragirreren anaia; Idoia Bustinza, Txus Martinen koinata, Maite Agirre, Alfonso Etxegarai deportatuaren laguna; eta Itziar Sinde, Aitor Cotanoren izekoa. Denek euren senideen egoeraren gainean berba egin zuten. Hitzaldia amaituta, elkarretaratzea eta giza katea egin zituzten.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa