Jendartea  Getxo  Leioa 2017-12-23 12:25

Espainiako Loteriak hainbat milioi utzi ditu Leioan eta Getxon

Leioa Artea merkataritzaguneko loteria-administrazioak 31.250.000 euro banatu ditu saritan; bertan saldu dute bigarren saria, 51.244 zenbakiari egokitu zitzaiona atzoko zozketan. Areetako 4set informatika-enpresako langileak izan ziren onuradun nagusiak; beharginek 25 milioi euro irabazi zituzten.

Zugatzarte etorbideko 4set informatika enpresako langileek, bigarren sariaren 20 serie jokatu zuten. Atzo azaldu zutenez, “harrituta" daude sariagaz. "Txantxetan zebiltzala uste genuen, baina egia da, oraindino harrituta gaude, ez dugu sinetsi ere egiten; oraindino ez dugu geureganatu", esan zien Sistema Saileko behargin batek albiste-agentziei.

20 bat langile ditu enpresak Areetan, baina, denera, bost egoitza ditu Estatu espainiarrean. "Langile gehienok dezimo bat erosi genuen, eta, hortaz, saria oso banatuta dago. Batzuek, gainera, senideakaz eta lagunakaz jokatzen zuten. Asko dugu ospatzeko", esan zuten.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa