Areetako Bizkaiko Zubia eta Bilboko udaletxearen aurreko zubiak lotu zituzten Alberdik, Cuadradok eta beste 1.459 parte-hartzaileek, itsasadarraren paretik doan errepidetik 11.900 metroko ibilbidea egin ondoren. Helene Alberdi argi eta garbi nagusitu zen, 45:16 denboragaz. Bere atzean geratu ziren Montserrat Vázquez (49:49) eta Idoia Izaguirre (51:43).
Gizonezkoei dagokienez, Diego Cuadrado izan zen garailea, 37:54 denbora eginda. Ivan Arrate getxoztarra izan zen bigarren, minutu bi eta 21 segundora. Podiuma David Laherak osatu zuen, Arraterengandik 26 segundo eskasera.
Areeta-Bilbo lasterketa 1930ean sortu zuten, eta Estatu espainoleko errepide gaineko lasterketarik zaharrena da, Kataluniako Jean Bouin probaren ondren.