Joan den urtarrilaren 22an, hiru urte bete ziren HIRUKAk astekariaren lehenengo zenbakia kaleratu zuenetik, tokiko kazetaritza-proiektu independente, plural eta euskaldun baten baitan. Hori dela eta, eskualdeko hainbat musikarik "Hirukak hiru urte" abestia prestatu dute, elkarlanean.
Maria Arriaga Telleriak (Hexen) sortutako musikagaz bat, Fredi Paiak (Gibelurdinek) ipini zizkion berbak kantari. Erritmoa Nataly Etxeitak (Okupando Rom@, D.A.R., El Trio Kalabera) markatu du, baterian. Doinuak eztitzeko lanean, zenbait sortzailek jardun zuten: baxuan, Jon Chocarro "Txoki"; gitarran, Eneko Burzako (Mobydick); biolinean, Laurita Arrabita (Okupando Rom@); eta zeharkako txirulan, Irantzu Garamendi (Cloverwind, The Binilo's). Azkenik, ahotsak Itxaso Payak (Gibelurdinek), Mikel Piñeirok (Ukabilkada), Maria Arriagak eta Bittor Egurrolak ipini zituzten. Grabazioa Jorge Peralesek egin zuen, Berangoko Zarata Estudios-en.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun