HIRUKAn behar egiten dugun andrazkook bat egingo dugu mugimendu feministak martxoaren 8rako deitutako lanuzteagaz. Momentu honetan lau emakume gabiltza enpresan, hiru kudeaketa eta salmenta-sailetan, eta beste bat erredakzioan, praktiketan. Greba dela eta, barikuan banatuko dugu astekaria, martxoaren 9an.
HIRUKAko langileok ez ezik, aldizkaria banatzen duten emakumeek ere bat egingo dute greba-deialdiagaz. Horregatik aste honetako zenbakia ez da ohiko egunean banaketa-guneetara ailegatuko, biharamunean baino. Besteak beste, martxoaren 8ko mobilizazio eta ekitaldien irudiak jasoko ditugu, bai paperean bai webgunean ere. Eskualdeko emakumeei dei egiten dizuegu zuen inguruan jazotakoaren berri ematera eta irudiak bidaltzera sare sozialen bitartez. Twitter bidez egitekotan, #ukgrebafeminista traola erabiltzeko eskatzen dizuegu.
Egunean bertan, erredakzioko gizonezkoek emango dute grebaren eta hari lotutako mobilizazioen berri, HIRUKA.EUS-en.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.