Zauritu bana izan dira Barrikako eta Sopelako trafiko-istripuetan

Suhiltzaileak auto-istripu baten simulakroan, artxiboko irudian. EUSKO JAURLARITZA

Zirkulazio-istripu bana izan dira gaur eta atzo Barrikan eta Sopelan, hurrenez hurren. Ezbeharretan pertsona bana zauritu da eta biak Urdulizko ospitalera eroan dituzte.

Azken istripua Barrikan gertatu da, goizeko 10:00ak aldera. Bi-2704 errepideko 23. kilometroan, Bertan auto bik talka egin dute. Bestalde, atzo, 17:00ak aldera motorzale batek istripua izan zuen Larrabasterrako Urgitxieta plazaren inguruetan. Zauritu biak ospitalera eroan zituzten, mediku-arreta emateko.