Goizeko atxiloketak salatzeko mobilizazioak egingo dituzte eskualdean

Eskuinean, Oihana Garmendia santurtziarra, Guardia Zibilak aske utzi ondoren. © SORTU

Guardia Zibilak hainbat orduz atxilotuta eduki ditu Miren Zabaleta, Oihana Garmendia, Antton Lopez 'Kubati' eta Olatz Dañobeitia ezker abertzaleko kideak. "Terrorismoa goratzea" leporatu die, Belen Gonzalez Peñalba ETAko kide ohiaren omenaldi ekitaldian parte hartzeagatik. Polizia-operazioa salatzeko, eskualdean mobilizazioak iragarri dituzte gaurko eta etzirako.

Miren Zabaleta Nafarroako Sortuko arduradunak libre geratu ostean zabaldu duenez, “edonor duintasunez eta bakean agurtzea ez da delitua. Maitasuna delitu ez den bitartean, behintzat”.

Sortuk LABek eta Ernaik bultzatzen duten Kalera! ekimenak deitu ditu elkarretaratzeak, “Bakearen eta askatasunaren alde, ez gaituzue geldituko” goiburupean. Honako hauek dira baieztatutako deialdiak:

Gaur, martitzena, martxoaren 20an

  • 19:30 Kolas plaza (Itzubaltzeta/Romo).
  • 20:00 Boulevard (Leioa).
  • 20:00 Telletxe (Algorta).

Etzi, eguena, martxoaren 22an

  • 13:00 Mikel Laboa plaza (Leioako campusa).

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun