Domeka honetan, hilaren 8an, Plentzia eta Gorlizko hainbat herritarrek prentsaurrekoa egingo dute Danontzat gaztetxearen aurrean, 13:00etan. Horren helburua da Altsasun taberna-liskar baten ondoren terrorismoa leporatuta atxilotutako gazteen askatasuna aldarrikatzea.
Laster urte bi beteko dira Altsasuko (Nafarroa) taberna bateko liskar bat izan ostean zortzi pertsona terrorismoa leporatuta atxilotu zituztenetik. Haietako hiruk 500 egun pasa dituzte daborduko kartzelan.
Datorren apirilaren 17an gazte horiek denak epaituko dituzte, eta Fiskaltzak 375 urteko espetxe zigorra eskatzen du horientzat: 62 urte eta erdi batentzat, 50 urte seirentzat eta 12 urte eta erdi azkenengoarentzat. Hori dena dela eta, Plentzia eta Gorlizko hainbat herritar batu egin dira gertaera horrek terrorismoagaz zerikusirik ez duela esateko, justizia eskatzeko eta apirilaren 14an Iruñean izango den manifestazioagaz bat egiteko.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
