Kultura  Uribe Kosta 2018-04-10 15:09

Apirilaren 14an hasiko da Bizkaiko Bertsolari Txapelketaren Udaberriko Fasea

Zapatuan abiatuko da Bilboko BBK Salan Udabarriko Fasearen lehenengo saioa, apirilaren 14an; bigarrena, aldiz, hurrengo egunean izango da, Derioko Gurea Aretoan. Saio biak arrastiko 17:30ean hasiko dira.

Apirilaren 14an hasiko da Bizkaiko Bertsolari Txapelketaren Udaberriko Fasea
Saioetarako sarrerak txarteldegietan egongo dira salgai, egunean bertan 17etatik aurrera. © BERTSOZALEEN ELKARTEA | Ikusi handiago | Argazki originala

Udabarriko Fasea zapatuan hasi eta maiatzaren 26an amaituko da. Denera, hamahiru sailkapen saio jokatuko dira, 11 herritan zehar. Lehenengo saio bietarako sarrerak txarteldegietan egongo dira salgai, egunean bertan, 17:00etatik aurrera.

Zapatuko lehenengo saio horretan, bertsolarien artean honakoak egongo dira: Algortako Ekaitz Larrazabal Gutierrez “Katxo” eta Txapelketan lehenengoz parte hartuko duen Berangoko Maddalen Ruesgas Rasines, besteak beste. Saioan Itzubaltzeta/Romoko Oier Iturralde Fernandez “Atano” arituko da gai-jartzaile gisa.

Domekan, aldiz, Iñigo Kortazar Elias algortarra arituko da bertsolarien artean. Gaiak, aldiz, Leioako Xabier Sainz de la Maza Bilbaok jarriko ditu, eta epaimahaian Joseba Santxo Uriarte ibiliko da.

Bestetik, Getxoko sailkapena maiatzaren 13an egingo da, Algortako Fadurako kiroldegian; saio bi egongo dira: goizeko 12:00etan eta arrastiko 17:30ean. Erandiokoa, berriz, maiatzaren 20an izango da, 17:30ean, Josu Murueta kultur etxean (Astrabudua).

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa