Marian de la Fuentek urte mordo eman zuen euskalgintzan beharrean. AEKn irakasle izan zen eta Berbots Erandion Euskaraz euskaltzaleen topaguneko aurpegi ezagunenetako bat izan da urteotan. Komunikabideen arloan ere, Justuri irratiko proiektuan buru belarri jardun zuen eta bertatik jaio zen HIRUKA komunikazio-taldea eratzen lagundu zuen. Modu berean, bere ekarpena egin zuen euskal kulturgintzako eta eskubide zibil eta politikoak defendatzeko ekimen oro aurrera egin zezan. Izaera alai, abegikor eta eskuzabal izanda, ideologia denetako jendea eroso sentiarazteko trebetasuna zeukan.
Getxoko Udaleko behargina ere izan zen azken urteotan, Itzubaltzeta/Romoko kultur etxeko atezain.
Gaur goizean, Berbotseko kide eta lagunek agurtu dute sare sozialetan, egindako beharra eta emandako maitasuna eskertzen. Horiei batu zaie Paul Bilbao Sarria, Kontseiluko idazkari nagusia. Bilbaok goraipatu du De la Fuenteren izaera: "Euskaltzale handi, zintzo eta jatorra joan da", azpimarratu duenez.
Euskaltzale handi, zintzo eta jatorra joan da. Plazera eta ohorea izan da ezagutu izana. Egun handira arte, Marian. @berbots @HirukaEus https://t.co/1KDCSAX7CO
— Paul Bilbao Sarria (@paulbilbao) 2018(e)ko apirilak 14
Erandioko Sortuk ere bere esker ona adierazi dio irudi baten bidez:
