Kultura  Uribe Kosta 2018-04-16 17:35

Ekaitz Larrazabal 'Katxo' bertsolari algortarra, Bizkaiko Txapelketako Udabarriko Faseko lehenengo irabazlea

Maddalen Ruesgas berangoztarrak ere parte hartu zuen Bilboko BBK Aretoan egindako saioan, zapatuan. Iñigo Kortazar algortarrak, ostera, domekakoan jardun zuen, Derion.

Ekaitz Larrazabal 'Katxo' bertsolari algortarra, Bizkaiko Txapelketako Udabarriko Faseko lehenengo irabazlea
Larrazabal, alboan Maddalen Ruesgas berangoztarra daukala, saioko momentu batean. © BIZKAIKO BERTSOZALE ELKARTEA | Ikusi handiago | Argazki originala

Bilbon egindako saioagaz hasi zen Bizkaiko Bertsolari Txapelketako Udabarriko Fasea joan den zapatuan, hilak 14, eta uribekostar bat izan zen irabazle: Ekaitz Larrazabal "Katxo". Guztira 160,5 puntu lortu zituen Larrazabalek, aste-akabuko bigarren kopuru handiena, domekan gailendu zen Malen Amenabar larrabetzuarrak eskuratutakoaren ondotik. Batez ere bakarkakoan nabarmendu zen Larrazabal.

"Katxo" ez ezik, Uribe Kostako beste bertsolari bik ere jardun dute txapelketako lehenengo saio-sortan: Maddalen Ruesgas berangoztarrak Bilbon eta Iñigo Kortazar algortarrak Derion. Biak ere bosgarren geratu ziren euren saioetan, Ruesgasek 134,5 puntu lortuta eta Kortazarrek 149. Berangokoak oso ondo hasi zuen saioa, onenetakoa izan baitzen zortziko handian, baina gero gainbehera egin zuen.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa