Gastu espezifikoak estaltzeko laguntzen eskari-orriak jasotzeko epea ireki du Uribe Kostako Zerbitzu Mankomunitateak: alde batetik, apirilaren 1etik ekainaren 15era; eta bestetik, irailaren 3tik azaroaren 16ra.
Gastu espezifikoak honako hauek dira: oinarrizko premien gastuak, ohiko etxebizitza edo bizitokia mantentzeko gastuak, horiek erostearen ondorioz hartutako maileguen interesak eta amortizazioak eragindako gastuak, eta azkenik, “linea zuria” izendatutako etxe-tresna elektronikoen eta altzarien gastuak.
Eskaria egiteko aldez aurretik hitzordua eskatu behar da www.uribekosta.org webgunearen bidez edo 946 762 674 telefonora dei eginez.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!