Antolatzaileek adierazi dutenez, "etxea ezinbesteko gunea da hizkuntzaren transmisio eta sozializaziorako. Kalean, eskolan eta etxean, hurbiletik egiten da transmisio hori: hizkuntza jaso, bizirik mantendu eta hurrengoei pasatzeko ardura partekatzen dugu guztiok".
Egitasmoaren helburua da kriseiluaren "euskararen su" hori piztuta mantentzea eta parte-hartzaile denen artean zaintzea. Horren ardura ikastetxe bakoitzeko ikasleek daukate, eta horretarako kriseilua eramango dute txandaka etxera, gogorarazi dutenez.
Antolatzaileek aurreratu dutenez, ikasturte-amaieran ekitaldi bat egingo dute, Euskararen Kriseilua etxean izan duten familia denak elkartuko dituena, "egitasmoa merezi duen ikusteko eta bukaera emateko".
Parte-hartzaileak
Ikastetxearen arabera ziklo ezberdinetan burutzen dabiltza ekimena:
- Zipiriñe ikastetxe publikoa: LH1, LH2, LH3
- Elortza eskola: LH1, LH2, LH3
- Ander Deuna ikastola: LH1, LH2, LH3
- Plentziako ikastetxe publikoa: LH1, LH2, LH3
- Gorlizko ikastetxea: 1.zikloa, 2. zikloa
- Lemoizko Herri Eskola: HH 4/5, 1. zikloa