Hezkuntza  Leioa  Uribe Kosta 2018-05-11 13:51

Doktoregaien baldintza prekarioak salatu dituzte EHUko campusetan

Amaia Lekunberri / Argia.eus

Unibertsitateak haien langile izaera onartu eta hitzarmen kolektiboan sar dezan eskatu dute.

Doktoregaien baldintza prekarioak salatu dituzte EHUko campusetan
Leioako campuseko mobilizazioa. ARGIA | Ikusi handiago | Argazki originala

250 lagun inguru zenbatu ditu deialdia egin duen EHUko Doktoregaien Asanbladak, Donostia, Gasteiz eta Bilboko campusetan ostegun goizean egindako mobilizazioetan. Beste lan-kategoria batzuk dituztenen lanaldi eta ikerketa-lan berbera egin arren, baldintza prekarioak dituztela salatu dute doktoregaiek. Beren eskubideak errespetatu eta egoerari konponbidea eman diezaioten exijitu diote Nekane Balluerka errektoreari eta horren lan-taldeari.

Langileekin eztabaida ekidin asmoz, unibertsitateak hitzartuta zeukan bilera tokiz aldatu eta gai-ordena eraldatu duela salatu du Asanbladak. Hori dela eta, "ezkutatzeari uzteko" eta negoziatzeari ekiteko eskatu diote Balluerka errektoreari.

Albiste hau Argiak argitaratu du eta CC-by-sa lizentziari esker ekarri dugu HIRUKAra

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa