Bizkaiko Bertsolari Txapelketako Udabarri Faseko azken-aurreko sailkapen saioa jokatu zen maiatzaren 20an Erandion. Eskualdeko ordezkariak Paule Loizaga eta Galder Bilbao ‘Txapi’ izan ziren.
Astrabuduko Josu Murueta kultur etxean egin zen saioa. Julen Erezuma gernikarra izan zen irabazlea, 173,50 puntu eskuratuz. Paule Ixiar Loizaga sopeloztarrak bigarren postua lortu zuen, 160 puntugaz; eta Galder Bilbao ‘Txapi’ leioaztarra bosgarren lotu zen, 138 puntugaz.
Hurrengo eta azken saioa maiatzaren 26an (zapatua) jokatuko da Abadiñoko Errota kultur etxean, 17:30ean, Uribe Kostako ordezkari barik.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!