Kultura  Getxo  Plentzia  Sopela  Uribe Kosta 2018-05-28 14:14

Uribe Kostako zortzi bertsolarik kantatuko dute Bizkaiko Txapelketaren Udazkeneko Fasean

Joan den hilaren 26an, zapatua, Udabarriko Fasearen azken saioa jokatu zen Abadiñon, eta horrenbestez, erabakita geratu da zeintzuk izango diren Udazkeneko Faseko kanporaketetan parte hartuko duten 30 bertsolariak. Horietatik, Uribe Kostako zortzi.

Uribe Kostako zortzi bertsolarik kantatuko dute Bizkaiko Txapelketaren Udazkeneko Fasean
Peru Vidal plentziarrak lortu zuen puntu gehien Ondarroako goizeko kanporaketan. © BIZKAIKO BERTSOZALE ELKARTEA | Ikusi handiago | Argazki originala

Udazkenean kantatuko duten Uribe Kostako bertsolariak honako hauek dira: Peru Vidal Gurrutxaga (Plentzia), Arrate Illaro Etxebarria (Getxo), Imanol Uria Albizuri (Algorta), Inazio Vidal Gurrutzaga (Plentzia), Itxaso Paia Ruiz (Algorta), Unai Mendiburu Valor (Algorta), Ekaitz Larrazabal Gutierrez ‘Katxo’ (Getxo), eta Paule Loizaga Legarra (Sopela).

Fasea bost kanporaketekaz hasiko da; horietan lehiatuko dira Oihana Bartra Arenas 2014ko finalista eta Udabarriko Fasean puntuazio onena lortutako 29 bertsolariak. Kanporaketa bakoitzeko irabazlea zuzenean igaroko da hiru finalaurrekoetako batera, 2016ko finalistakaz batera; puntuazio onena lortutakoek osatutako dute koadroa. Azkenik, zortzi bertsolari joango dira finalera: finalaurreko bakoitzaren irabazlea eta, gainerakoetatik, puntuaziorik onena lortutako bostak.

Abadiñon ez zuen jardun Uribe Kostako bertsolari batek ere. Irabazlea Arkaitz Zipitria Mendizabal arrigorriagarra izan zen.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa