[ARGAZKI-GALERIAK] Hamar kilometroko giza katea osatu dute Altuben Uribe Kostako lau mila lagun baino gehiagok

Iker Rincon Moreno 2018ko eka. 11a, 11:42

Uribe Kostako milaka lagunek parte hartu zuten atzo, domekan, Gure Esku Dagok antolatutako giza-katean. Eskualdekoak Altuben bildu ziren, 157. eta 167. kilometroen arteko zatia eskuz esku eta zapiz zapi lotzeko. Denera, 100.000 lagun batzea zen helburua, EAEko hiru hiriburuak batuko zituen 201,9 kilometroko katea betetzeko; hala ere, Gure Esku Dagok jakinarazi duenaren arabera, zenbatekoa 175.000ra heldu zen atzo.

Eskualdeko Gure Esku Dago taldeek jakinarazi dutenez, Uribe Kostako 4.179 lagunek parte hartu zuten giza-katean. Denera, 61 autobus mobilizatu ziren herrietatik Altubera hurreratzeko. Hala, datuak hurrengoak dira:

  • Leioa: 2 kilometro, 7 autobus eta 404 parte-hartzaile.
  • Gorliz eta Plentzia: kilometro bat, 6 autobus eta 360 parte-hartzaile.
  • Erandio: kilometro 2, 8 autobus eta 420 parte-hartzaile.
  • Berango, Urduliz eta Lemoiz: kilometro bat, 7 autobus eta 530 parte-hartzaile.
  • Barrika eta Sopela: kilometro 2, 7 autobus eta 554 parte-hartzaile.
  • Getxo: 3 kilometro, 26 autobus eta 1.911 parte-hartzaile.

158. kilometroa - Gorliz-Plentzia (© Gabi de la Maza)

Gorliz-Plentzia GED katea 2018 Amurrion, 158 Km.a

Bideoan (©PABOLO OR)

162. kilometroa - Getxo

Giza Katea 2018 162 Km

163. kilometroa - Getxoko gazte kilometroa

Gure Esku Dago, giza katea 2018

165. kilometroa - Erandio

KM. 165 - ERANDIO

Politika
Irakurle agurgarria:

HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.

Egin zaitez HIRUKAlagun eta gozatu euskaraz!


Izan zaitez HIRUKAlagun