Gazteok  Uribe Kosta 2018-06-12 10:52

Youtuber izan gura duten gazte bilbotarrentzako lehiaketa antolatu dute

Azkue Fundazioak eta Bilboko Udalak elkarlanean antolatu dute 13 eta 16 urte bitarteko gazte bilbotarrentzako lehiaketa, euskal youtuberrak sortzeko asmoz. Hala, Uribe Kostako hainbat udatiarrek izango dute parte hartzeko aukera Btuber lehiaketa horretan.

Youtuber izan gura duten gazte bilbotarrentzako lehiaketa antolatu dute
Azkue fundazioak hainbat B-Tuber ikastaro eskaini ditu. © AZKUE FUNDAZIOA | Ikusi handiago | Argazki originala

Lehiaketan minutu bat eta bost minutu artean irauten duen bideoren bat bidali beharko da info@azkuefundazioa.org helbidera, ekainaren 15etik 30era bitartean, .mov edo .mp4 formatuan. Youtuben pribatuan igotako lanak ere lehiaketan parte hartzeko aukera izango dute.

Gaia erabat librea izango da eta baita grabatzeko erabilitako teknika ere. Gazteek nahi dutena azaltzeko aukera izango dute, eta gura beste bideo bidali ahalko dira. Hala ere, baztertu egingo dira bideoak ondorengo kasuetan: giza eskubideen urraketa, bortizkeria, irainak, arrazakeria, sexismoa edota errespetu faltak adierazten duten lanak.

Horretaz gainera, aurkeztuko diren bideoek aurten grabatuak, originalak eta argitaratu bakoak izan behar dute. Modu berean, ez da onartuko aurretik beste lehiaketaren batean aurkeztutako lanik. Gainera, bideoak hizkuntz edukiren bat izatekotan (ahotsa, musika, elementu grafikoak...), horrek euskarazkoa behar du izan.

Saria

Btuber lehiaketako irabazleak youtuber ekipo profesionala lortuko du.

Oinarriak

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa