Eskualdeko hondartzetan ez bainatzeko gomendatu dute

Uribe Kostako hondartza ia denetako ura ez da ona bainatzeko, erakunde ofizialek egindako analisien arabera, "koliforme nibelak libreki bainatzeko baino altuagoak direlako". Hala, eskualdeko hareatza denetan ikus daiteke bandera gorria egunotan, Barrikako Muriolan izan ezik, gaur horia baitago bertan, Bizkaiko Foru Aldundiak jakinarazi duenez.

Joan den astean jazotako euri-jasak direla eta, Galindoko Hondakin Uren Araztegiak eta Ur Partzuergoak biltegiak hustu behar izan zituzten. Hala ere, euri-jasa horiek itsasadarraren ur-goraldia eragin zuten eta, horren ondorioz, hondoko lokatzak ere altxatu ziren.

Adituen arabera, kontaminazio fekalaren mugak itsasadarraren bokalean dauden hondartza ia denetan gainditu da, eta laster konpontzea espero da.