2018ko abuztuaren 31ra arte, jarduerak, bai hondarretan eta bai uretan, txanda bitan antolatuko dituzte. Goizetan, 11:00etatik 13:00etara, 60 urtez gorakoentzat izango dira batez ere (mantentzeko gimnastika, pilates, sorbalda osasuntsurako ariketak, aquamix erlaxazioa, aquafitness, uretako jolasak, aerobic, yoguilates edo zirkuitu osasungarria). Arrastietan, 15:30etik 17:30era, familia osoarentzat da programa (aquamix, ginkana, familia-zumba, “altxorraren bila”, multikirola, uretako jolasak, eskulanak edo herri-kirolak).
Uda honetarako, BBK-k jarduera-programa bat aurkeztu du aire-zabaleko kirola eta aisialdia Bizkaiko hondartzetara eroateko. Herritarren artean bizimodu osasungarria sustatu gura da, batez ere pertsona nagusien (60 urtetik gorakoak) artean. Hala, Uribe Kosta eskualdeari dagokionez, astelehenero, Ereagan (Algorta); martitzenero, Gorlizko pinudian; eta zapatuan, Arrietaran (Sopela) egingo dituzte jarduerak.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun