Guraso eta dendari urduliztarrek euskara doan ikasi ahal izango dute

Euskaltegiko hainbat ikasle, artxiboko irudian. HODEI TORRES - HIRUKA

Urdulizko Udalak gurasoentzako eta merkatarientzako euskara-ikastaro bereziak eskainiko ditu, Uribe Kostako AEKgaz batera. Urdulizen erroldatutakoek doan jasoko dute 120 orduko formakuntza hori; izena eman daiteke urriaren 5era arte.

Javier Bilbao alkateak azaldu duenez, eskolak 2018ko urritik 2019ko ekainera bitartean izango dira; astean ordu biko bina saio egingo dituzte 120 ordu osatu arte. Izen-ematea Jentilbaso AEK euskaltegiagaz egin beharra dago, eta Gorlizko Iberrebarri plazako 5. zenbakiko zein Plentziako Kristo enparantzako 8. zenbakiko lokaletan lor daitezke ikastaroaren gaineko informazio dena eta eskabide-orriak.

Argibide gehiagorako: 946 773 646 telefono-zenbakia eta jentilbaso@aek.org posta-elektroniko helbidea.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun