Ekintza horren xedea da eskualdean dauden langabeen lanbideratzea, eta hautaketa Lanbide Euskal Enplegu Zerbitzuaren Zuzendariak 2018ko ekainaren 13an emandako ebazpenean ezartzen diren irizpideen arabera egingo da. Hautagaia izateko, Lanbiden inskribatuta egon beharko da, alta egoeran eta langabezian. Era berean, ezin izango dira aurreko deialdietan kontratatutakoak izan.
Programa horretan parte hartu ahal izateko, hautagaiek hainbat irizpide bete beharko dituzte. Hala, Lanbiden "eskatutako lanbidetan" derrigorrez agertu beharko da honako baten bat gutxienez, eskatutako lanpostuaren arabera: herri lanetarako peoia. Curriculumean aldaketak egiteko azken eguna urriaren 22a izango da. Egun horretatik aurrera Lanbideren zerbitzu orokorrek abian jarriko dute hautaketa prozesua.
Lanbideko Curriculumean aldaketarik egin behar izanez gero, Uribe Kostako Behargintzan, Berangon Karabiazpi 1 kalean, eta norberari dagokion Lanbideko bulegoan egin ahal izango da (Gorliz, Lemoiz eta Plentziako herritarrek Mungiako bulegora joan beharko dute eta Barrika, Berango, Sopela eta Urdulizkoek ostera, Getxoko bulegora).